Конечно по долги најави,првиот број со Мистер Но во тврд повез и на македонски јазик е реалност кај нас.Овој лик се појави во Италија во ист месец како кај нас,но во 1975 година.Создаден е од креаторите на Загор,Гвидо Нолита(Серџо Бонели) и Галиено Фери.Во Југославија се појави малку подоцна и доживеа преку 200 изданија во едицијата Лунов Магнус Стрип.Преведен е на многу јазици,но никогаш на македонски јазик и на кирилично писмо.Пред неколку години,сите едиции на Мистер Но во едицијата на Бонели се укинати по излезените 379 броеви заклучно со 2006 година од редовниот серијал,а со последниот специјалец во Декември 2008 година,згаснаа сите изданија со овој јунак.Првите 5 епизоди кај нас ќе излезат со целосни и завршени авантури,додека од бројот 6 се предвидува оваа едиција да биде со по 3 броеви во едно издание по договор со имателот на правата за овој лик.Формата е во тврд повез,а изданието е периодично и ќе има најмалку 12 епизоди во годината.Се надеваме дека ќе опстоиме во плановите и најавите за во иднина со извинување подари доцнењето на изданијата поради кризата која полека го зафаќа во голема мера и издаваштвото кај нас.